علامہ اقبال
ترے عشق کی انتہا چاہتا ہوں
مری سادگی دیکھ کیا چاہتا ہوں
ستم ہو کہ ہو وعدۂ بے حجابی
کوئی بات صبر آزما چاہتا ہوں
یہ جنت مبارک رہے زاہدوں کو
کہ میں آپ کا سامنا چاہتا ہوں
ذرا سا تو دل ہوں مگر شوخ اتنا
وہی لن ترانی سنا چاہتا ہوں
کوئی دم کا مہماں ہوں اے اہل محفل
چراغ سحر ہوں بجھا چاہتا ہوں
بھری بزم میں راز کی بات کہہ دی
بڑا بے ادب ہ
وں سزا چاہتا ہوں
Allama Iqbal
Tere Ishq Ki Inteha Chahta Hoon
Tere ishq ki inteha chahta hoon
Meri saadegi dekh, kya chahta hoon
Sitam ho ke ho waada-e-bay-hijaabi
Koi baat sabr-aazma chahta hoon
Yeh jannat mubarak rahe zahidon ko
Ke main aap ka saamna chahta hoon
Zara sa to dil hoon, magar shokh itna
Wahi lan tarani suna chahta hoon
Koi dam ka mehmaan hoon, ae ahl-e-mahfil
Chiragh-e-sehar hoon, bujha chahta hoon
Bhari bazm mein raaz ki baat keh di
Bada be-adab hoon
, saza chahta hoon
Comments
Post a Comment