Allama Iqbal
Kabhi Ae Haqiqat-e-Muntazar
Kabhi ae haqeeqat-e-muntazar, nazar aa libaas-e-majaz mein
Ke hazaaron sajde tarap rahe hain meri jabeen-e-niyaz mein
Tarab aashna-e-kharosh ho, to nawa hai mehram-e-gosh ho
Woh surood kya ke chhupa hua ho, sakoot-e-parda-e-saaz mein
Tu bacha bacha ke na rakh ise, tera aaina hai woh aaina
Ke shikasta ho to azeez tar hai nigah-e-aaina saaz mein
Dam-e-toof karamak-e-shama’ ne yeh kaha ke woh asar-e-kohan
Na teri hikayat-e-soz mein, na meri hadees-e-gudaaz mein
Na kahin jahan mein amaan mili, jo amaan mili to kahan mili
Mere jurm-e-khana kharab ko, tere afw-e-banda nawaz mein
Na woh ishq mein rahin garmiyan, na woh husn mein rahin shokhiyan
Na woh Ghaznavi mein tarap rahi, na woh kham hai zulf-e-Ayaz mein
Main jo sar ba sajda hua kabhi, to zameen se aane lagi sada
Tera dil to hai sanam aashna, tujhe
kya milega namaz mein
علامہ اقبال
کبھی اے حقیقت منتظر نظر آ لباس مجاز میں
کہ ہزاروں سجدے تڑپ رہے ہیں مری جبین نیاز میں
طرب آشنائے خروش ہو تو نوا ہے محرم گوش ہو
وہ سرود کیا کہ چھپا ہوا ہو سکوت پردۂ ساز میں
تو بچا بچا کے نہ رکھ اسے ترا آئنہ ہے وہ آئنہ
کہ شکستہ ہو تو عزیز تر ہے نگاہ آئنہ ساز میں
دم طوف کرمک شمع نے یہ کہا کہ وہ اثر کہن
نہ تری حکایت سوز میں نہ مری حدیث گداز میں
نہ کہیں جہاں میں اماں ملی جو اماں ملی تو کہاں ملی
مرے جرم خانہ خراب کو ترے عفو بندہ نواز میں
نہ وہ عشق میں رہیں گرمیاں نہ وہ حسن میں رہیں شوخیاں
نہ وہ غزنوی میں تڑپ رہی نہ وہ خم ہے زلف ایاز میں
میں جو سر بہ سجدہ ہوا کبھی تو زمیں سے آنے لگی صدا
ترا دل تو ہے صنم آشنا تجھے
کیا ملے گا نماز میں
Comments
Post a Comment